.

1º TORNEO de BILLARDA "ANO BISESTO"

2012-02-24T12:25:00.004+01:00

TodoLNB convoca o 1º torneo aberto de billarda ANO BISESTO. Será convocado, a partir deste ano 2012, cada 4 anos, ou cada vez que o mes de febreiro teña 29 días. Será ás 18 horas, en SAMIEIRA (campo de fútbol de terra) (POIO. PONTEVEDRA).
O premio será este busto africano en madeira de baobak que está ceremoniada por un gurú da tribo dos BILLARDOTUS (Senegal). Esta pequena estatua trae a prosperidade durante 4 anos ao seu, á súa posuidora. Despois deste tempo debe ser recargada nunha nova ceremonia chamánica. Deste xeito, aquel ou aquela que se leve a estatua conservaraa durante 4 anos e na próxima convocatoria do torneo ANO BISESTO (2016) debe traela e poñela en xogo de novo, por suposto, despois de ser ceremoniada de novo polo chamán africano.

CADA DÍA MÁIS

2012-02-22T12:40:00.003+01:00

Cada día un pouco máis.
Xa somos 306, 237 palanadores e 69 palanadoras.

Desde que comezara a competición desta tempada 2011-2012 xa xogaron baixo o acubillo da LNB, 306 persoas. TodoLNB ten os nomes e equipos de todas estes seres humanos. Podedes consultalo en CENSO 2011-2012.

PARTICIPACIÓN da FIN DE SEMANA

2012-02-13T13:43:00.005+01:00

DATOS DE PARTICIPACIÓN

Na CONCEN houbo unha participación de 40 persoas 30 homes 10 mulleres

Na CONSAL houbo unha participación de 32 persoas 25 homes 7 mulleres

Na CONNOR houbo unha participación de 27 persoas 22 homes 5 mulleres

CONCEN incorporáronse ao universo LNB 2 novoS xogadores: Odilo de BATEAS e Juan Piñeiro de SAN MATEO.

CONSAL incorporáronse ao universo LNB 6 novos xogadores: Cristina e Lolo de DORRÓN. Ana Tacón, de A ESMORGA. Pablo, Fernando e Ares de ANDARELA.

CONNOR incorporáronse ao universo LNB 1 novo xogador: Xavi de FILLOAS.

En definitiva, xa somos 299, 232 homes e 67 mulleres que practicamos a billarda en todo o país baixo o paraugas da LNB (cando non xogamos en pavillón).

Damos a benvida a estas 9 persoas. E dicímoslles ata a próxima xornada, convencidos, convencidas, que se desfrutaron tanto como nós o facemos volverán.

PARTICIPACIÓN 2011-2012

2012-02-08T11:24:00.002+01:00

Xa temos actualizado, a 8 de febreiro 2012, o número de palanadores e palanadoras que están xogando na LNB 2011-2012

En PARTICIPACIÓN LNB 2009-2012

ATENCIÓN AO CALENDARIO

2012-01-30T12:19:00.003+01:00

Ollo ao calendario, pois houbo un cambio. A 4ª xornada da CONCEN, que estaba prevista para o día 18 febreiro, disputarase o 11 do mesmo mes, en Vilaromariz, ás 16 horas.

NOVA SECCIÓN

2012-01-07T20:01:00.002+01:00

Difundir información sobre a billarda.
Se este é un dos obxectivos de TodoLNB, outro é facer o posible para dar visibilidade a calquera acontecemento onde se xogue á billarda. Para esta nova sección pedimos a axuda de todas e todos os que estades implicados na LNB. En TORNEOS HISTÓRICOS queremos ter os resultados de todos eses torneos que se celebran fóra da organización das Conferencias, pero que contribúen igualmente a dar a coñecer este xogo..., este deporte do século XXI.
Por favor, compañeiros e compañeiras das distintas conferencias enviádenos toda a información que teñades sobre os torneos de verán, Copa Cantábrica, Torneo Interparroquial, Xerro do Salnés, Todo estrelas LNB (All Stars), Cunca Xíbara... e moitos máis que agora non imos escribir, para que vós o fagades. Calquera torneo é digno de quedar inmortalizado na rede. Grazas.

DANIEL ÚNESE O GRUPO DE VARAIS DE AMIEIRO

2011-12-19T18:37:00.003+01:00

OS CATRO VARAIS DE AMIEIRO ACTUAIS

2011-12-06T10:46:00.009+01:00

AS CIFRAS NON DEIXAN QUE MINTAMOS

2011-11-16T12:37:00.004+01:00

Levamos disputadas 12 xornadas da LNB 2011-2012 (24%) e o número de participantes chega a 204 (o 53% do total do ano pasado 388). Quere isto dicir que para chegar ao mesmo número de participantes do ano pasado fáltannos 184 e quedan por disputarse o 76% de xornadas.

Ánimo! Ademais de competir debemos difundir.

En definitiva, estamos cumprindo un dos fins da LNB: difundir a práctica da billarda.

NOVO CENSO 2010-2011

2011-11-14T12:43:00.002+01:00

Xa temos o censo de palanadoras e palanadores que participaron na tempada 2010-2011, en todas as conferencias. Aparecerán proximamente nunha nova páxina de todoLNB.

Interesantes cifras que poden darnos unha idea de como vai evolucionando o número de practicantes da billarda na LNB.

Estamos, tamén, buscando e procesando a información de participación desde o ano 2007ao 2009.

Resulta interesante saber que número de persoas participaron na LNB desde a súa creación, que persoas siguen participando, que outras deixaron, que outras se incorporaron, etc.

CENSO OFICIAL 2011-2012 Palanadores/as

2011-11-08T20:27:00.003+01:00

Xa temos datos oficiais TodoLNB do número de palanadores/as que están participando en todas as conferencias. Ao mesmo tempo, temos as porcentaxes de participación. Aquí vai un adianto, pois ata mañá mércores 9 de novembro non aparecerán as cifras no blog.

Ata o día de hoxe teñen participado na LNB 204 persoas, das cales 157 homes e 47 mulleres. Ou sexa un 77% e un 23%.

Tamén interesante é o dato do número de palanadores/as que participan en varias conferencias: 27, dos cales 18 homes e 9 mulleres. Daquela, 67% e 33%.

ENTREGADO O PRIMEIRO VARAL DE AMIEIRO

2011-11-07T12:43:00.008+01:00

O sábado 5 de novembro xa é unha data histórica para todoLNB. Entregouse o primeiro triángulo de amieiro (VARAL DE AMIEIRO), xunto co seu diploma acreditativo. O primeiro palanador en chegar a 33 varados na historia da LNB foi XOSÉ RODIÑO.
Conseguiuno na pista do pavillón de Arca. Establecendo, tamén, unha marca difícil de superar, pois conseguiu 9 varados na xornada.

Outros palanadores están cerca de alcanzar o preciosos trofeo. Sen dúbida, na próxima xornada haberá que entregar un ou dous triángulos máis. Ánimo.

2011-10-06T12:26:00.003+02:00

O premio VARAL sigue disposto.

Será en algunha destas próximas xornadas (2ªCONSAL-2ªCONNOR) do día 23 outubro onde se entregue o premio VARAL?

Todo está nas mans de MARKYTOS(29)-IVÁN(29)-DANIEL(27).

A conquista parece difícil, pois deberían desprazarse ata terras do Salnés. Esta xornada parece propicia na CONSAL, xa que se utilizará unha pista rápida e debido ao sistema de competición dispoñerán de 8 carreiras para conseguir os varados que lle faltan para chegar a 33.

Outra posibilidade sería participar na CONNOR, o mesmo domingo 23 pola tarde.

E como opción máis conservadora, poden esperar á xornada da CONNOL do día 29 outubro en Pontenova.

En definitiva, o triángulo máxico do premio VARAL, ferve por pendurar do pescozo dun palanador do planeta LNB.

COMEZOU A TEMPADA 2011-2012

2011-09-26T13:18:00.002+02:00

Coa nova tempada retoma a súa actividade TODOLNB.
A primeira novidade salientable é a creación da Conferencia SALNÉS.
A segunda está no sistema de competición na Conferencia NORLESTE, que retoma un sistema xa utilizado noutros anos.

Por outra beira, en poucas semanas TODOLNB deberá entregar os seus primeiros premios, pois hai varios palanadores próximos a acadar os 33 varados.

Tamén, introducimos unha novidade nas cifras e datos que procesa este blog. O RANKING LNB establecerá unha orde a tempo real dos palanadores e palanadoras que participan na LNB. O procedemento que utilizamos é o seguinte. En cada xornada de LNB (todas as Conferencias) otorgaránse uns puntos segundo o posto ocupado (só os 16 primeiros). En caso de que ocupen o mesmo posto 2-3-4 ou máis persoas repartiranse os puntos. Así, a modo de exemplo
1º-16 ptos
2º-15 ptos
3º-14 ptos
4º-13 ptos
5º-11 ptos
6º-11 ptos
7º-11 ptos
(empate nos postos 5-6 e 7: corresponderíanlle 12, 11 e 10 ptos respectivamente, daquela sumamos eses ptos e dividimos o resultado, neste caso, entre 3. Deste xeito, 11 ptos que levarían as tres persoas)
8º-9 ptos
9º-8 ptos
10º-7 ptos
11º-6 ptos
12º-5 ptos
13º-4 ptos
14º-3 ptos
15º-2 ptos
16º-1 ptos

ORIXES DA LNB. CARMIÑA

2011-03-09T19:49:00.005+01:00

ORIXES DA LNB David Díaz e os Petapouco

2011-03-09T19:27:00.007+01:00

TROFEOS TODOLNB

2011-02-14T19:09:00.002+01:00

Os trofeos e premios que se otorgan en calquera deporte sirven de estímulo para os deportistas e as deportistas. Tamén, son o recoñecemento por parte da sociedade do valor que ten a práctica deportiva. Deste xeito, TODOLNB, no seu afán de valorizar a práctica da billarda, crea o premio VARAL e o premio BILLARDA.

O premio VARAL ten como obxectivo recoñecer o número de varados que consiga unha palanadora ou un palanador durante toda a súa carreira deportiva. Haberá VARAL DE AMIEIRO (33 varados), VARAL DE BIDUEIRO (66 v.), VARAL DE SALGUEIRO (99 v), VARAL DE PIÑEIRO (122 v), VARAL DE TOXO (155 v), VARAL DE CARBALLO (188 v) E VARAL DE ACIVRO (>221).

O premio BILLARDA ten a intención de recoñecer o número de participacións dunha palanadora ou dun palanador na LNB durante a súa carreira deportiva. Haberá BILLARDA DE AMIEIRO (99), BILLARDA DE BIDUEIRO (199), BILLARDA DE SALGUEIRO (299), BILLARDA DE PIÑEIRO (399), BILLARDA DE TOXO (499), BILLARDA DE CARBALLO (599), BILLARDA DE ACIVRO (>699).

TODOLNB ten información histórica que lle está permitindo actualizar os datos da LNB. A partir desta información establecerá unha clasificación de número de varados e outra de número de participacións. Só se contabilizarán as participacións e varados en xornadas de LNB nas conferencias actuais e nas novas que se poidan crear.

Orixes LNB Bezouqueira

2011-01-30T19:49:00.001+01:00

Orixes LNB Noroeste

2011-01-30T19:05:00.001+01:00

ORIXES DA LNB CONFERENCIA Sur. Moisés Álvarez e Rubén Otero

2011-01-09T00:00:00.007+01:00

AS ORIXES DA LNB Xermán Viluba

2010-12-30T22:11:00.013+01:00

HISTORIA DA LNB

2010-12-24T19:02:00.002+01:00

Este blog que se inicia hoxe 1 de xaneiro de 2011 vai ser unha porta que dea acceso á información relacionada coa LNB. Iremos escribindo a historia da LNB desde a súa creación. Haberá fotos e vídeos históricos. Como naceu cada Conferencia, onde e por que. Haberá entrevistas coas persoas que estiveron desde o comezo e outras que se foron achegando máis tarde á LNB.
Ademais teremos as clasificacións actualizadas e as clasificacións históricas de todas as Conferencias. O blog estará aberto a suxestións de calquera persoa amante da billarda.