CRÓNICA DA AUTÉNTICA IZ GALICIJE: Día 2


TARTINI SQUARE

       Xogan ao Pandolo dous equipos de 3 xogadores. Un equipo defende e outro ataca. O ataque finaliza cando os 3 xogadores do mesmo equipo efectúan o ataque. Despois, pasa a vez de ataque ao outro equipo que estaba defendendo. Na primeira fase do xogo hai que sacar lanzando o pandolo ao aire cunha man e golpeandoo coa mazza que se agarra coa outra, para metelo dentro do campo en forma de embudo invertido.





Cadro dos grupos da fase previa

Battuta di saque
 
Defensa da base

Medición

Catenaccio italiano de Pola, no enfrontamento contra a Auténtica

FIN DE SEMANA DE BILLARDA





CRÓNICA DA AUTÉNTICA IZ GALICIJE: Día 1


Galižana é unha aldea na Croacia , dentro da cidade de Vodnjan , Istria .

       Despois da presentación das delegacións, a Auténtica preparou armadura e luvas para adentrarse no anfiteatro da Tartini square sen medo a ser devorada. Tamén, os nosos palanadores encontráronse coa agradable sorpresa que a Liga de Pandolo celebrou unha das súas xornadas en Galižana. 
       O ritual da Auténtica de fornecer de símbolos da nosa cultura, foi imitado polo resto de delegacións e así, o Tartini Stadium quedou vestido cos uniformes dos países participantes. 







CRÓNICA DA AUTÉNTICA IZ GALICIJE: DÍA 1



        Este foi o momento de presentación, no que as delegacións expoñían o regulamento do seu xogo e as medidas do material que se usa. Ademais, a LNB aportou os datos estatísticos históricos de participación, que de xeito maxistral transmitiu en varios idiomas o VISHNÚ (deus de catro brazos venerado no hinduísmo) de Castroverde, Iván Alonso.







       O PANDOLO foi presentado polo presidente da Federación Slovena de Pandolo, Martin Stražar.  Despois foi a vez da LIPA, do S-CIANCO e da ţurcă.



       


FESTIVAL INTERNACIONAL DE PANDOLO



Verona-Italia

Romanía

Galicia

       Nas fotos de arriba vemos tres modalidades do xogo da billarda que acudirán a Piran (Slovenije) a vindeira fin de semana para competir e compartir un xeito marabilloso de utilizar o tempo e o corpo. A LNB terá que competir no Torneo Internacional e participar no Festival Pandolo na Mediteranu. Dous son os obxectivos da expedición LNB que viaxará ata o país Eslavo. O primeiro é dar a coñecer o xeito particular de xogar á billarda que temos en Galicia. Para isto, a organización ofrece 45 minutos á delegación galega para expoñer de maneira teórica e práctica como se xoga na LNB.  O segundo obxectivo é competir no torneo internacional de Pandolo (modalidade de billarda que se xoga en Slovenije) para traer o título europeo ata Galicia. 

       
       Despois de analizar a información que nos foron enviando os nosos compañeiros e compañeiras da Federación Eslovena de Pandolo, podemos afirmar que as persoas actúan como humanidade cando as condicións de vida son as adecuadas para convivir en paz e armonía, sexa cal sexa o seu país de orixe e residencia. Senón acreditades nisto, mirade as fotos de abaixo.
Actas da Federación Eslovena de Pandolo
       
Actas da Federación Eslovena de Pandolo
       Comparade estas actas coas que se utilizan na LNB. Abaixo aparecen fotos de xornadas de Liga de Pandolo organizadas pola Federación Eslovena de Pandolo. Tamén, vemos deseños de camisetas dos equipos e carteis anunciando as xornadas. Hai imaxes dos momentos previos a iniciar o xogo, cos equipos en formación, imaxes de equipos cos seus trofeos, ao finalizar a xornada, equipos comendo no descanso dos encontros. Aparecen tamén, trofeos artesanais que se entregan aos ganadores e ganadoras. Ademais da liga, a Federación Eslovena realiza actividades de divulgación do Pandolo nos centros educativos. En definitiva, todas estas imaxes ben poderían ser de lugares e persoas de Galicia. A estrutura organizativa da LNB é comparable a de Slovenije. Aínda sen ter unha Federación que dea acubillo á billarda, a LNB conseguiu que no século XXI haxa nenos e nenas, adolescentes, adultos e persoas de idade avanzada que practiquen dun xeito regular este marabilloso xogo deportivo.

Cartel

Deseños de camisetas para equipo de Pandolo

Cartel

Cartel

Comida no descanso e ao final da xornada

Equipos en formación antes de comezar a xornada de liga

Xogadora de Pandolo golpeando para dar o saque inicial

Equipo de Pandolo cos seus trofeos

Medallas en madeira

Trofeos artesanais en madeira

Pandolo nun centro educativo esloveno



       Os xornais publican sobre o Pandolo. A LNB considera estratéxico o sector das TIC (tecnoloxías da información e da comunicación) e desde hai dúas temporadas utiliza moita enerxía en que os medios escritos e audiovisuais do noso país se fagan eco do xogo da Billarda. A utilización do facebook, whatsApp, blogs, instagram, etc., está facendo visible esta práctica deportiva milenaria.

PANDOLO NA MEDITERANU


        Aquí abaixo aparece a información do facebook en sloveno para quen coñeza esa magnífica lingua eslava meridional que se fala en Slovenije, e máis abaixo a tradución ao galego, esa fantástica lingua románica que se fala e se escoita en Galicia. A LNB participará cun equipo de 4 xogadores seleccionados de entre os 367 xogadores e xogadoras que participaron esta temporada 2016-2017. Despois dunhas duras probas selectivas o seleccionador Flores xa ten aos xogadores que representarán á LNB. De momento, mantén en secreto os nomes, pero sabemos de boas fontes que irán dous xogadores da Conf. Norleste e dous da Conf. Rías Baixas.


V obeležitev 25. letnice organiziranega igranja igre Pandolo Zveza društev igre Pandolo in KDSI Punta Piran organizirata 1. festival tradicionalnih iger v Sloveniji - Pandolo na Mediteranu!

Osrednji dogodek bo Mednarodni turnir v Igri Pandolo, kjer se bodo pomerile ekipe 8 dežel, domovin Pandola in sorodnih iger. 

* Piran, Koper, Pomurje (Slovenija)
* Mede, Verona (Italija)
* Galicija (Španija)
* Sighetu Marmației (Romunija)
* Pula (Hrvaška)

Obiskovalci se boste lahko preizkusili v tradicionalnih igrah Istre, Italije, Španije in Romunije, ki so krajšale čas pred prihodom digitalne dobe. Vabljeni! 

Projekt Podpirajo:
Občina Piran
Hoteli Bernardin
Cablex-T, d.o.o.
BTC City
LIPRO, d.o.o.
Mediadom Piran
Vinarstvo Rodica Truške


Program dogodka:

sobota, 8. julij
9:30 otvoritev dogodka
10:00 mednarodni pandolo turnir
13:00 predstavitev tradicionalnih iger Istre, Italije, Romunije, Španije 

nedelja, 9. julij
10:00 zaključne tekme pandolo turnirja
14:00 podelitev nagrad, zaključek


Para conmemorar o 25º aniversario da consideración do Pandolo como deporte a Asociación Pandolo e KDSI Punta Piran organizan o primeiro festival de xogos tradicionais en Eslovenia - Pandolo mediterránea!
O evento principal será o Torneo Internacional de Pandolo onde oito equipos de cinco países xogan entre si .
* Piran, Koper, Pomurje (Eslovenia) * Mide, Verona (Italia) * Galicia (España) * Sighetu Marmaţiei (Romanía) * Pula (Croacia)
Os visitantes poderán experimentar os xogos tradicionais de Istria, Italia, España e Romanía, que acurtan o tempo antes da chegada da era dixital. Benvido!
O proxecto está apoiado por:
hoteis Bernardin
O municipio de Piran CABLEX-T, d.o.o. BTC LIPRO d.o.o. Mediadom Piran Wine Rodica Truške O programa do evento: Sábado, 8 de xullo 09:30 Apertura do evento
10:00 Torneo internacional de pandolo
13:00 Presentación dos xogos tradicionais Istria, Italia, Romanía, España Domingo, 9 de xullo 10:00 Partidos finais do torneo de Pandolo 14:00 Cerimonia de entrega de premios e conclusión.