A xornada de Malpica
deixou tan só por decidir as prazas de podio, na Clasificación
Individual Absoluta, xa que o título estaba en mans do palanador de
Paiosaco, Collazo (LNB 2013), desde había dúas xornadas. Por terceiro ano
consecutivo o brazo do de Campo da Feira estivo firme e dominador.
Outro ano máis Collazo será un candidato a vestir a Coroza. O ano
pasado tivo que conformarse con estar á dereita do Coroceiro
Nacional, Chousa, e este ano volverá ter unha oportunidade de subir
ao máis alto e levar por vez primeira a Coroza para territorio
Noroeste. Se alguén pode poñer en dúbida o dominio das
Conferencias Norleste e Rías Baixas é o de Paiosaco.
Despois veñen catro
palanadores de gran nivel, que sen estar á altura de Collazo poder
ganar a calquera. Viqueira (LNB 2011) é un xogador histórico da
Conferencia e leva clasificándose para o Play Off desde o 2012
ininterrumpidamente, algo que fala sobre o seu potencial competitivo.
Juan Carlos (LNB 2016) é un novato, pois empezou a xogar na LNB esta
temporada. Polo tanto, ten un mérito extraordinario, sobre todo,
tendo en conta que conseguiu o triunfo na xornada 10. Para Oscar
Ponte (LNB 2016) esta é a súa segunda temporada de competición,
aínda que podemos dicir que na anterior xogou tan só dúas
xornadas. Daquela, a súa progresión foi espectacular, pois xa
conseguiu a vitoria nunha xornada, precisamente a xornada 11 de
Malpica. Xulio Ponte (LNB 2015) compite por segundo ano e, igual que
na temporada anterior, ten garantida a clasificación para o Play Off
2017. Entre eles estarán os dous que ocupen as prazas do podio da
Conferencia.
| VIQUEIRA | COK | 64 |
| JUAN CARLOS | FEI | 62 |
| OSCAR PONTE | FEI | 60 |
| XULIO PONTE | FEI | 59 |
Berdillo (LNB
2011) volve a conseguir a clasificación para o Play Off. Gándara
(LNB 2014) consigue a clasificación por segunda temporada
consecutiva.
| BERDILLO | COK | 53 |
| GÁNDARA | FIL | 53 |
Jesús Andrade
(LNB 2016) vai estar por vez primeira na terra do Castiñeiriño para
intentar vestir a Coroza Nacional. Non está clasificado de xeito
matemático, pero si de xeito racional. Para non clasificarse debería
suceder a seguinte casuística: non pasar de grupo na última xornada
e que Dilan (LNB
2014) ou Julio Vilas
(LNB 2014) ganaran a xornada, algo posible, non obstante, moi improbable. Non
quere isto dicir que Dilan ou Julio non puidesen ganar unha xornada,
senón que é bastante difícil que coincidan os dous feitos ao mesmo
tempo. Tamén, Apóstolo (LNB 2014) está na mesma situación
que os seus compañeiros de equipo, debería ganar a última xornada
e que Andrade non pasase de grupo. Todo é posible neste marabilloso
deporte.
| J ANDRADE | FIL | 49 |
| DILAN | APB | 39 |
| JULIO VILAS | APB | 39 |
| APÓSTOLO | APB | 37 |
Este ano, por vez primeira, haberá participación infantil no Play Off en representación da Conferencia Noroeste. todos estes cativos empezaron a xogar este ano e xa conseguiron mellorar o seu nivel. Isto significa que non o van ter tan doado coma outros anos os pícaros das Rías Baixas. Das categorías inferiores de Campo da Feira chegan á LNB, Oscar Cambón, Abel e Marc, que xunto con Oscar García de Cochikeiros van desafiar o dominio absoluto das Rías Baixas nesta Categoría.
Ningún comentario:
Publicar un comentario